ഒരു സാധാരണ കോര്‍പ്പറേറ്റ് സ്ഥാപനത്തിന്‍റെ അളവു കോലുകളില്‍ ഗൂഗിള്‍ ഒതുങ്ങില്ല കാലിഫോര്‍ണിയയിലെ മൌണ്ടന്‍ വ്യൂവിലുള്ള ഗൂഗിള്‍ പ്ലക്സ് എന്ന ആസ്ഥാനത്ത് ശരിക്കുമൊരു കോളേജ് ക്യാമ്പസ്സിന്‍റെ അന്തരീക്ഷമാണുള്ളത്. മൂന്നും നാലും പേരടങ്ങിയ ഗ്രൂപ്പുകളായാണ് ഗൂഗിളിലെ ജീവനക്കാര്‍ ജോലി ചെയ്യുക. അത്യന്തം രുചികരമായ ഭക്ഷണം ഗൂഗിള്‍ പ്ലക്സിനുള്ളില്‍ എല്ലാവര്‍ക്കും സൌജന്യമായി ലഭിക്കും. ഏത് ആശയവും പരീക്ഷിച്ചു നോക്കാന്‍ ഗൂഗിളിലെ ജീവനക്കാര്‍ക്ക് അനുവാദമുണ്ട്. അല്‍പ്പമെങ്കിലും സാദ്ധ്യതയുള്ളതെന്നു കണ്ടാല്‍ അതിന് ഗൂഗിളിന്‍റെ പിന്തുണയും ലഭിക്കും ഒറ്റ കാര്യത്തിനേ ഗൂഗിള്‍ പ്ലക്സിസില്‍ വിലക്കുള്ളൂ ഗൂഗിളിന്‍റെ ഓഹരി വില നോക്കാന്‍ പാടില്ല. അങ്ങിനെ ആരെങ്കിലും ചെയ്യുന്നതായി ശ്രദ്ധയില്‍പ്പെട്ടാല്‍ ഒരു ഓഹരിയുടെ വിലയാണ് പിഴ.
ഗൂഗിളിലുള്ളവര്‍ അവരുടെ ആകെ ജോലി സമയത്തിന്‍റെ 70 ശതമാനം മാത്രം ഗൂഗിളിന്‍റെ മുഖ്യജോലികളായ സെര്‍ച്ചിംഗ്, പരസ്യം തുടങ്ങിയവയില്‍ ശ്രദ്ധിച്ചാല്‍ മതി ബാക്കി വരുന്നതില്‍ 20 ശതമാനം സമയം വ്യക്തിപരമായി താല്‍പര്യമുള്ള പദ്ധതികളില്‍ പ്രവര്‍ത്തിക്കാം ബാക്കി പത്തുശതമാനം ഏത് ഭ്രാന്തന്‍ ആശയവും പരീക്ഷിച്ചു നോക്കാനുള്ള സമയമാണ്. ക്രിയത്മകത നിലനിര്‍ത്താനും അതുവഴി പുത്തന്‍ സങ്കേതങ്ങള്‍ക്ക് വഴി തുറക്കാനും ഗൂഗിള്‍ അവലംബിക്കുന്ന മാര്‍ഗ്ഗമാണത്, ഗൂഗിളിന്‍റെ പ്രശസ്തമായ പല ഉല്‍പ്പന്നങ്ങളും രൂപപ്പെട്ടത് ഇങ്ങനെ അനുവദിക്കപ്പെട്ട സമയത്താണ്. ഗൂഗിള്‍ ഡെസ്ക്ക്ടോപ്പ്, ഗൂഗിള്‍ ന്യൂസ്, ഗൂഗിള്‍ ടോക്ക്, ഓര്‍ക്കുട്ട്, ജിമെയില്‍ തുടങ്ങി ഇന്‍റര്‍നെറ്റ് ഉപഭോക്താക്കളുടെ ജീവിതത്തെ തന്നെ മാറ്റിമറിച്ച ഒട്ടേറെ ഉത്പന്നങ്ങളെക്കുറിച്ച് മുന്‍കൂട്ടി പ്രഖ്യാപനം നടത്തുന്ന രീതി ഗൂഗിളിനില്ല, പല സര്‍വ്വീസും തുടങ്ങുന്നതു തന്നെ സാധാരണക്കാര്‍ അറിഞ്ഞെന്നു വരില്ല ഉപഭോക്താക്കളുടെ മനസ്സില്‍ കയറിക്കൂടിക്കഴിഞ്ഞാണ് ഗൂഗിള്‍ ഉത്പന്നങ്ങള്‍ മിക്കപ്പോഴും ചര്‍ച്ചയാവുക.
No comments:
Post a Comment