Friday, November 5, 2010
പേജ് റാങ്ക് ഗൂഗിളിന്റെ ആത്മാവ്
നെല്ലില് നിന്ന് പതിര് വേര്ത്തിരിക്കും പോലെ സെര്ച്ചിങ്ങ് നടത്തുന്നയാള്ക്ക് ഏറ്റവും മുമ്പിലേക്ക് ഏറ്റവും പ്രസക്തമായ പേജ് ആദ്യം എന്ന ക്രമത്തില് എത്തിക്കുകയാണ് ഗൂഗിള് ചെയ്യുക, കോടിക്കണക്കിന് വെബ്ബ് പേജുകള്ക്കിടയില് നിന്ന് തിരഞ്ഞു പിടിച്ച് പ്രസക്തമായ പേജുകള് എത്തിക്കാന് സെക്കന്റുകള് പോലും ഗൂഗിളിന് വേണ്ട ഇതിന് ഗൂഗിളിനെ പ്രാപ്തമാക്കുന്നത് പേജ് റാങ്ക് (PageRank) എന്ന രഹസ്യ ഗണിത സമീകരണമാണ്. യുക്തിപൂര്വ്വമായ രീതിയില് വെബ്ബ് പേജുകളുടെ പ്രാധാന്യം നിശ്ചയിക്കുകയാണ് പേജ്റാങ്ക് ചെയ്യുന്നത്. കൂടുതല്പേര് സന്ദര്ശിക്കുന്ന വെബ്ബ് പേജ് പ്രധാനപ്പെട്ടത് ആകണമെന്നില്ല. മറ്റൊരു പരിഗണനാക്രമമാണ് ഇതിന് പേജ് റാങ്കില് അവലംബിക്കുന്നത്. ഒരു വ്യക്തിയെ ഉദാഹരണമായെടുക്കാം അയാള് പ്രാധാന്യമുള്ള അല്ലെങ്കില് പ്രാധാന്യം നല്കേണ്ട വ്യക്തിയാണോ എന്നറിയാന് എന്താണ് എളുപ്പമുള്ള മാര്ഗ്ഗം? അയാള് ആരൊക്കെയായി ബന്ധപ്പെടുന്നു. അയാളുമായി ആരൊക്കെ ബന്ധപ്പെടുന്നു എന്ന് പരിശോധിച്ചാല് മതി പ്രധാനപ്പെട്ട വ്യക്തികളുമായി ബന്ധപ്പെടുകയും പ്രധാനപ്പെട്ട വ്യക്തികള് ഇങ്ങോട്ട് ബന്ധപ്പെടുകയും ചെയ്യുന്ന ഒരു വ്യക്തി തീര്ച്ചയായും പ്രധാനപ്പെട്ട ഒരാളായിരിക്കും എന്ന സാമാന്യനിഗമനത്തില് എത്താം (എല്ലായിപ്പോഴും ഇങ്ങനെ ആകണമെന്നില്ല എന്നിരിക്കലും) ഏതാണ്ട് ഇതേ മാര്ഗ്ഗമാണ് വെബ്ബ് പേജുകളുടെ പ്രാധാന്യം നിര്ണ്ണയിക്കാന് പേജ് റാങ്കും ചെയ്യുന്നത് സൈറ്റില് നിന്ന് ഏതൊക്കെ സൈറ്റുകളിലേക്ക് ലിങ്കുണ്ടെന്നതുമായി ബന്ധപ്പെട്ടാണ് ഇത് നിശ്ചയിക്കുന്നത്. പ്രധാനപ്പെട്ട മറ്റു സൈറ്റുകളിലേക്ക് ലിങ്കുള്ള ഒരു സൈറ്റ് പ്രധാനപ്പെട്ടതാണെന്ന് ഊഹിക്കാം. അതുമാത്രം പോര, ആ സൈറ്റിലേക്കുള്ള ലിങ്കുകളും നോക്കണം,നാസയുടെ സൈറ്റില് നിന്നു ലിങ്കുള്ള ഒരു സൈറ്റ് തീര്ച്ചയായും പ്രധാനപ്പെട്ടതായിരിക്കും യാഹൂവിന്റെ ഹോംപേജില് നിന്ന് ലിങ്കുള്ള ഒരു സൈറ്റ് തീര്ച്ചയായും പ്രധാനപ്പെട്ടതാകണമല്ലോ. ഇത്തരത്തില് പേജുകളുടെ പ്രാധാന്യം നിശ്ചയിക്കാന് ലിങ്കുകളുടെ ശൃംഖല കൂട്ടുപിടിക്കുകയാണ് പേജ് റാങ്ക് ചെയ്യുന്നത്. അതോടൊപ്പം സൈറ്റിന്റെ ജനപ്രീതിയും കണക്കിലെടുക്കും അതിസങ്കീര്ണ്ണമായ ഗണിത സമീകരണമുപയോഗിച്ചാണ് പേജ് റാങ്ക് പ്രധാനപ്പെട്ട സൈറ്റ് ഏതാണെന്ന് നിശ്ചയിക്കുന്നത്. റാങ്കിങ്ങില് മുകളിലെത്തുന്ന സൈറ്റുകളാവും പ്രധാനപ്പെട്ടവ അവ ഗൂഗിള് സെര്ച്ച് ഫലങ്ങളില് ആദ്യം പ്രത്യക്ഷപ്പെടും പരസ്യങ്ങളുടെ കാര്യത്തിലും ഇതേ റാങ്കിംഗ് ഗൂഗിള് നടത്തുന്നു. ഗൂഗിളിന്റെ സെര്ച്ച് ഫലത്തോടൊപ്പം നമ്മള് കാണുന്ന പരസ്യത്തിന്റെ ജനപ്രീതിയെയും അത് കണക്കിലെടുക്കുന്നു.
Subscribe to:
Post Comments (Atom)
No comments:
Post a Comment